#29 – The Roman House | Latin texts 5..#29 – Domus Romana | Litterae Latinae 5

If you’re looking for tips on how to learn Latin or improve your Latin, but are pressed for time - look no further. Here you’ll find tidbits from the rich Latin literature (from different levels) to listen to in spare moments.

 

Vestibulum domus Romanae erat vacuus locus ante ianuam. Per id vestibulum erat aditus a via ad domum. Ianua ipsa erat lignea; at postes saepe erant e marmore. In limine plerumque erat verbum "Salve" in pavimento tessellato scriptum. Interior domus in tres partes dividebatur. Earum prima pars appellata est atrium. In medio tecto eius partis, lucis et aeris causa, apertum spatium relictum est. Pluvia per eundem locum in impluvium descendit. Supellex erat exigua; at parietes pulchris statuis picturisque ornabantur. In atrio, dominus amicis et clientibus aditum dabat.

Ab utroque latere atrii erant nocturna et diurna cubicula familiae hospitibusque. Locus proximus atrio appellatus est tablinum. Hic tabulae familiares condebantur; et in eodem loco dominus pecuniam servabat atque suum opus faciebat. Utrimque fauces ab atrio ad peristylum, tertiam domus partem, ducebant. In peristylo pulcher hortus et fons columnis marmoreis includebantur. Ubi vela pro tablino reducta sunt, tota domus, — atrium, deinde tablinum, mox pulchrum peristylum, — unum in conspectum venit. Peristylo adiacebant triclinia, cubicula, et cellae omnis generis. Superior domus servorum et libertorum usibus detinebatur.

– Bennett, Easy Latin Stories


 
About Latinitium..Quid sit Latinitium

This is a place for Latin audio, video, and other resources for learning to read and speak Latin online.

Follow us on:..Sequimini nos apud:
Support Latinitium..Adiuvate Latinitium

Get access to more content by clicking below and supporting Latinitium on Patreon!

Support Latinitium

Latin audio..Auditiones Latinae