#34 – Never lose hope in your studies | Latin texts 10..#34 – In studiis numquam desperandum est | Litterae Latinae 10

Of all the motivational quotes and texts I have ever read, I thing Ringelbertius puts it best in this passage from his treatise on the best way to study. He truly hits the nail on the head when he emphasises the importance of never ever giving up in our pursuit of a worthy and good goal—in this case the learning of Latin. If you have been struggling with establishing a study habit—or any other for that matter— I suggest you listen to the audio of the Latin text on repeat.

In studiis numquam desperandum est

Si nos interim successus destituat, deterreatve labor, non continuo desistendum censeo. Si forte nos, in sublime tendentes ad montis verticem, deciens praecipites devolvamur, immo centies, milliens, totiens ardentius ac inflammatiore spiritu iter idem arripiemus, ad eundem verticem terrarum advolabimus.

Rex Alexander, generosi homo spiritus, domiturus orbem ad rupem venit ita sublimem, ut aditum militibus nullum reperiret. Eo principes aliquot confugerant, advecto commeatu in biennium, sperantes fore, ut interea homo aut moreretur aut minus saeviret cupidine imperandi.

Hi ridentes, num Alexander volare posset, exploratores illluc missos interrogabant. Nuntiatum hoc regi est. Qui graviter id ferens, volensque suos ad victoriam incitare, aiebat: Nihil tam alte posuisse naturam, quo virtus pervenire non queat.

Nec multo post, petram occupavit, pollicitus ante decem talenta illi qui primus ad verticem evaderet, novem secundo, sequenti octo, quarto septem, sic usque ad decimum decrescente numero.

Qua de causa non male habere quemquam debet, si non protinus incrementa doctrinae sentiat. Sicuti enim horologii umbram progressam sentimus, progredientem non cernimus et fruticem aut herbam crevisse apparet, non apparet crescere, ita et ingeniorum profectus, quoniam minutis constat auctibus, ex intervallo sentitur.

Leonis catuli informes nascuntur, vix ingrediuntur semestres, non moventur nisi bimestres, sic aliquando egeregia futura tarde solent provenire. Contra quae spectatissime florent, celerrime marcescunt.

Bene actum secum putat mercator, si, post decennem navigationem, post mille incommoda, mille vitae discrimina, rem sibi comparaverit paulo uberiorem; et nos pavidae animantes primo impetu spem omnem abiciemus? Quodcumque imperavit animus, obtinuit.

– Joachimus Fortius Ringelbergius, De ratione studii

Join the Sodalicium because we regularly send out tips, updates and learning material.