#22 – Latin texts | Libertas Philoxeni

Short story in easy Latin. 

AVAILABLE FOR THIS EPISODE:..SUBSIDIA HUIUS PARTIS:

  1. AUDIO..VOX | Audio available for download. (Soon).. Vox excepta depromi potest. (Mox)
  2. VIDEO..SPECTACULUM | Animated video with the text. .. Pellicula cum verbis scriptis.
  3. TEXT..VERBA | Transcript of the episode. .. Ipsa verba transcripta.

 

....II. VIDEO..II. SPECTACULUM....

 

III. TEXT..III. VERBA

Poematis scribendis operam dabat Siciliae tyrannus Dionysius, et magis ob carmina, quam propter res bello gestas, sese iactabat. Arcessierat ad se, ac praecipuo in honore habebat, quoscumque usquam arte poeticâ nobiles esse audierat, eorumque iudiciis poemata sua subiciebat. At illi, ne regis benevolentiam amitterent, quae scribebat, omnia probabant ac laudabant.

Aderat inter eos Philoxenus, celeberrimus dithyramborum artifex, qui unus adulari nescius, cum aliquando inepta a Dionysio recitata carmina audisset, de iis, quid sentiret, libere aperuit. Qua libertate offensus rex, reprehensorem suum a satellitibus abripi, et in latomias, qui publicus carcer erat, detrudi iussit. Sed postridie ab amicis, Philoxeno veniam dari postulantibus, exoratus, rursus ad epulas eum adhibuit.

Carmina sua, ut solebat, ipse mirum in modum extulit, et de quibusdam versibus, quos omnium optimos existimabat, sententiam Philoxeni exquisivit. Ille nullo ad regis interrogationem responso reddito, ejus satellites vocavit, seque in latomias reduci iussit. Tam facetam libertatem, quae omnium convivarum risu excepta fuerat, aequo animo tulit Dionysius.


If you want to help out, consider supporting Latinitium on Patreon by clicking below.

 

Latest podcast episodes..Sermones proximi


Subscribe to our YouTube-channel to get all the new Latin videos!